Start Bingo! Aanst Frysktalich yn de provinsje
Algemeen‘Bingo!’ is in toanielmonolooch, spile troch Tamara Schoppert, dy’t yn dit stik de râne opsiket tusken werklikheid en ferbylding. In stik mei in knypeach nei it spultsje ‘Bingo’, dat der sá echt út sjocht, dat guon téaterbesikers (hast) tinke dat it hjir giet om in ‘gewoan echt bingospul’.
Tamara Schoppert hat earst mei in Nederlânsktalige ferzje op ‘n paad west, no set sy út ein mei in Frysktalige ferzje, yn ferskate sealen en sealtsjes yn Fryslân.
Premjêre yn Koarnjum
Op 27 jannewaris is yn Koarnjum de premjêre fan de Frysktalige ferzje fan de teaterfoarstelling BINGO! De monolooch fan Tamara Schoppert giedt oer grutskens en skamte.
Tine liedt de bingo yn in buerthûs. Se komt hjoed te let. Tine ferûntskuldiget har en begjint ûnbedoeld oer har krekt stoarne mem, mei wa’t se al tsien jier gjin kontakt hie. Niis seach se har âlderlik hûs en ûntduts hoe suterich har mem blykber wenne.
Relaasje mei har mem
Wylst Tine har bêst docht om op fleurige wize de bingo ta in goed ein te bringen, analysearret se de relaasje mei har mem. Dy stiet ynienen yn in hiel oar ljocht. Hie se mear sjen moatten, wat oars dwaan kinnen? Se freget it har lûdop ôf. En dan ropt ien: ‘Bingo!’
Yn BINGO! spilet Tamara, flak foar en tusken de tafels troch, in troch Herman van de Wijdeven skreaune teatertekst. De kaartferkeap is al begûn en giet fluch: https://tryater.frl/programma/bingo/?utm_source=nieuwsbrief&utm_medium=website-frl&utm_campaign=bingo