‘Nacht’ fan Tryater aanst as ‘livestream’ te sjen
AlgemeenOp sneon 8 en snein 9 maaie, om 20:00 en 21:30 oere, is de folslein ‘online’ ferzje fan ‘Nacht’ te besjen as livestream! Dus ék asto bûten Fryslân wennest of leaver gjin akteur oan ‘e doar ha wolst, kinsto genietsje fan dizze goed ûntfongen foarstelling.
De livestream duorret sa’n 40 minuten wêryn’sto de film ‘Nacht’ en de (filme) monolooch te sjen krigest. Yn it foar kinst kieze tusken aktrise Joke Tjalsma (Frysktalich) en akteur Karel Hermans (Nederlânsktalich). Do kinst fansels ek beide ferzjes bestelle, op oanslutende tiden of dagen!
De foarstelling giet oer immen dy’t net yn sliep komme kin en dan de doar mar út giet, ‘de dyk op’. Dêr binne mear minsken: wat dogge dy sa let noch bûtendoar? Mear ynformaasje is te finen op de webside fan Tryater: Tryater • Nacht
Téater by de foardoar
\De foarstelling is oant no ta foaral hiel posityf ûntfongen, yn in tiid dat men leaver ‘negatyf’ testen wurdt, as it giet om de bekinde kwaal fan it ‘ferhipte firus’..... It is datselde firus dat soarge hat foar dizze nije foarm fan téater, rekken hâldend mei oardel meter ôfstân! Oant no ta hawwe al mear as tûzen minsken de foarstelling thús oan de doar hân.
Minsken koene sels Tryater freegje om meidwaan te kinnen. As it paste - wat tiid en lokaasje oanbelanget - dan kaam Tryàter del mei de oanbelangjende akteur of aktrise en waard it ferhaal by de foardoar spile. Dizze rige foarstellingen rint noch oant 9 maaie en wurdt dus (foarearst) ôfsletten mei de ‘livestream’-útstjoeringen op ynternet.